ЯҢАЛЫКЛАР
Кайбыч районы прокуратурасы ятим балалар һәм ата – ана каравыннан мәхрүм калган балалар арасыннан булган затларны торак урыннары белән тәэмин итү өлкәсендә, балачактан инвалид булган ятимнәр мөрәҗәгате буенча торак законнарының үтәлешен тикшерде.
Балигъ булмаган яшьтә кызның әти-әнисе каравыннан мәхрүм калуы, әтисе һәм әнисе 3 яшь булганда, ата-ана хокукыннан мәхрүм ителүе ачыкланган.
Татарстан Республикасы Мәгариф һәм фән министрлыгы каршындагы торак комиссиясе карары белән ул ятим балалар һәм ата - ана каравыннан мәхрүм калган балалар, алар арасыннан булган затлар исемлегенә кертелгән иде, әмма бүгенге көнгә кадәр ятим торак белән тәэмин ителмәгән, үз торагы юк.
Мөрәҗәгать итүченең хокукларын яклау максатларында Кайбыч районы прокуратурасы Казан шәһәренең Вахитов район судына Татарстан Республикасы Мәгариф һәм фән министрлыгына гамәлдәге законнарда билгеләнгән нормалар кысаларында махсуслаштырылган торак урыны наймы шартнамәсе буенча төзекләндерелгән торак бирү бурычын йөкләү турында дәгъва белән мөрәҗәгать итте.
Прокурорның дәгъва гаризасы каралды һәм канәгатьләндерелде.
Суд карарын үтәү прокуратура контролендә.
Кайбыч районы прокуратурасы
Кайбыч районы прокуратурасы «Дубрава «агрофирмасы» җаваплылыгы чикләнгән җәмгыятендә (алга таба – җәмгыять) закон таләпләрен үтәүне тикшерде.
Прокурор тикшерүенә Кайбыч районы Кече Кайбыч авылында яшәүчеләрнең (шул исәптән пенсионерларның) җир хокукларын бозу турында күмәк мөрәҗәгате сәбәп булды.
2007 елда гариза бирүчеләр 710 гектар мәйданлы җир кишәрлеген күрсәтелгән җәмгыятькә арендага бирүләре ачыкланды.
Россия Федерациясе Граждан кодексының 614 статьясы арендатор милектән файдаланган өчен түләүне (аренда түләве) вакытында кертергә тиеш дип билгели. Аренда түләвен кертү тәртибе, шартлары һәм сроклары аренда килешүе белән билгеләнә.
Әмма җир кишәрлеген арендалау шартнамәсе шартларын бозып җәмгыять 2021 ел өчен арендага бирүчеләргә 400 мең сумнан артык акча түләмәгән.
Тикшерү нәтиҗәләре буенча, район прокуратурасы җәмгыять директоры адресына ачыкланган закон бозуларны бетерү турында күрсәтмә бирде.
Прокуратура катнашыннан соң җирле халыкның хокуклары торгызылды, мөрәҗәгать итүчеләр алдында җир пайларын файдаланган өчен бурыч тулысынча түләнгән.
Кайбыч районы прокуратурасы
Татарстанның якынча 19 мең гражданы үзенең булачак пенсиясе турында хәбәрнамә алды
2022 елдан Пенсия фонды гражданнарга картлык буенча иминият пенсияләре һәм пенсия тупланмаларына хокуклары турында актив мәгълүмат бирә. Хәбәрнамәләр 45 яшьтән өлкәнрәк ир-атларга һәм 40 яшьтән узган хатын-кызларга дәүләт хезмәтләре порталында шәхси кабинетка җибәрелә, алга таба мәгълүмат өч елга бер тапкыр киләчәк.
Бүгенге көнгә формалаштырылган пенсия һәм пенсия тупланмалары күләме турында мәгълүматны якынча 19 мең кеше алды. Мәгълүмат хатын-кызларга – 40, ир-атларга 45 яшь тулган көндә җибәрелә.
Россия Пенсия фонды юллаган мәгълүмат хатында гражданнар картлык буенча хезмәт пенсиясенә хокук алу шартлары белән таныша, пенсиягә чыкканчы тагын күпме стаж тупларга кирәклеген, шулай ук пенсиянең фаразланган күләмен күрә ала.
"Проактив мәгълүмат бирү гражданнарга үзләренең пенсия хокукларын алдан ук бәяләргә һәм кирәк вакытта аларны арттыру буенча адымнар ясарга, стаж чорларын һәм пенсия коэффициентлары күләмен ачыкларга, шулай ук Пенсия фондында формалаша торган пенсия тупланмалары күләмен белергә мөмкинлек бирә", - дип билгеләп үтте Татарстанның Пенсия фонды башлыгы Эдуард Вафин.
Татарстанда инвалидлык буенча 1500 артык пенсия гражданнарның шәхси мөрәҗәгатеннән башка билгеләнде
Татарстан Республикасы буенча Пенсия фонды бүлекчәсе хәбәр иткәнчә, 2022 елның 1 гыйнварыннан инвалидлык буенча иминият һәм социаль пенсияләр гражданнарның шәхси мөрәҗәгатеннән башка билгеләнә. Пенсия һәм аңа тиешле социаль түләү, шул исәптән социаль хезмәт күрсәтүләр җыелмасы, гражданны инвалид дип тану көненнән алып, инвалидларның Федераль реестры (ФРИ) мәгълүматлары нигезендә билгеләнә. Пенсиягә хокукны раслаучы документларны Пенсия фондына тапшыру зарурлыгы юк.
Ел башыннан Татарстанда яшәүче 1500 гә якын инвалидка пенсия шул ысул белән билгеләнде. Сүз инвалидлык алганчы пенсионер булмаган кешеләр турында бара. Гамәлдәге пенсионерга инвалидлык бирелгән очракларда Пенсия фонды айлык акчалата түләү билгели.
Инвалидлык буенча иминият яки социаль пенсия билгеләү турындагы карар федераль реестрдан инвалидлык турында мәгълүмат кергән көннән соң биш эш көненнән дә соңга калмыйча кабул ителә. Пенсия билгеләү турында карар чыгарылганнан соң, өч эш көне дәвамында Пенсия фонды бу турыда гражданинга хәбәр итә. Пенсия билгеләнү турындагы хәбәр дәүләт хезмәтләре порталындагы шәхси кабинетка, исәпкә алу язмасы булмаса,почта аша килә.
Пенсия билгеләнгәннән соң аны китерү ысулын гражданин үзе билгели. Пенсияне китерү ысулы турындагы гаризаны Пенсия фонды сайтында яки дәүләт хезмәтләре порталында шәхси кабинет аша бирергә мөмкин. Түләүләрне китерү ысулын теләсә кайсы вакытта үзгәртергә мөмкин, моның өчен яңа гаризаны теләсә нинди уңайлы ысул белән бирергә кирәк. Гаризаны шулай ук шәхси кабинет аша Пенсия фонды сайтында яки дәүләт хезмәтләре порталында урнаштырырга, Пенсия фондына яки күпфункцияле үзәккә килеп тапшырырга мөмкин.
Пенсия инвалидлык бирелгәнче пенсионер булмаган гражданнарга билгеләнә. Пенсия алучы гражданинга инвалидлык бирелгән очракта Пенсия фонды өстәмә рәвештә айлык акчалата түләүне билгели.
«Кайбер дәүләт хезмәтләрен актив режимда, ягъни гражданнарның шәхси мөрәҗәгатеннән башка күрсәтү социаль казначылык принцибы кысаларында гамәлгә ашырыла, аның максаты - социаль ярдәм чараларын билгеләү процессын тизләтү һәм белешмәләр җыюдан баш тарту», - дип билгеләп үтте Татарстан Пенсия фонды идарәчесе Эдуард Вафин.
Россия Пенсия фондының сайтындагы гражданинның шәхси кабинеты аша дәүләт хезмәтләреннән, Пенсия фонды сервисларыннан файдаланыгыз!
Кайбыч районында исерек килеш руль артына утырган 44 яшьлек кеше хөкем ителгән
Кайбыч районы прокуратурасы Морза Бәрлебашта яшәүче 44 яшьлек кешегә карата җинаять эше буенча дәүләт гаепләвен хуплады. Суд аны РФ Җинаять кодексының 264.1 маддәсенең 1 өлешендә каралган җинаять кылуда гаепле дип тапкан. Судта 2022 елның 21 гыйнварында хөкем ителүченең исерек хәлдә медицина тикшерүе үтү таләпләрен үтәмәгән өчен административ җәзага тартылуы, үзе өчен тиешле нәтиҗә ясамавы һәм янә исерек килеш руль артында тоткарлануы ачыклана. Хөкем ителүче үз гаебен тулысынча таныды. Суд аңа җинаять – башкарма инспекциясе белән килешү буенча җирле үзидарә органнары тарафыннан билгеләнә торган объектларда мәҗбүри эшләр рәвешендәге җәза билгеләде, аның белән идарә итү хокукыннан мәхрүм ителде
8 яшьтән 17 яшькә кадәрге балалы гаиләләргә яңа төр пособиеләргә гаризалар 1 майдан кабул ителә башлый
Аз керемле гаиләләрдә тәрбияләнүче 8 яшьтән 17 яшькә кадәрге балаларга яңа түләүгә гаризалар кабул итү 2022 елның 1 маенда старт ала. Пособиене 1 апрельдән билгеләячәкләр. Ягъни, майда гариза биргәннән соң, гаилә берьюлы ике ай - апрель һәм май айлары өчен тиешле сумманы алачак. Апрельдә балага 8 яшь тулган булырга тиеш.
Пособиене алу өчен гаилә кереме күләме зур роль уйный. Түләү гаиләдә уртача җан башына керем яшәү төбәгендә кабул ителгән яшәү минимумыннан кимрәк булган очракта билгеләнәчәк.
Яна пособие гаиләдәге керем күләменә карап яшәү минимумының 50, 75 яки 100 процентын тәшкил итә. Түләүнең база күләме - 50%, ил буенча уртача - 6 150 сум. Әгәр дә бу түләүне исәпкә алып та гаиләдә керем яшәү минимумыннан ким булса, пособие төбәк яшәү минимумының 75% күләмендә билгеләнәчәк. 75 процент куләмендә пособие билгеләп тә гаиләнең җан башына уртача керем күләме яшәү минимумыннан азрак кала икән, ул вакытта балага төбәктә яшәү минимумының 100 проценты күләмендә максималь пособие билгеләнә.
Исегезгә төшерәбез, хәзер 8 яшьтән 17 яшькә кадәрге балаларга түләүне бары тик ялгыз ата-аналар гына рәсмиләштерә ала һәм әлеге пособие күләме региональ яшәү минимумының 50 процентын тәшкил итә.
Россия Пенсия фондының сайтындагы гражданинның шәхси кабинеты аша дәүләт хезмәтләреннән, Пенсия фонды сервисларыннан файдаланыгыз!
1 апрельдән татарстанлыларның социаль пенсияләре артачак.
Ел саен 1 апрельдән пенсионерның яшәү минимумы үсеше темпларын исәпкә алып социаль пенсияләр индексацияләнә.
2022 елда социаль пенсияләрне индексацияләү пенсионерның 2021 ел өчен яшәү минимумы күләме 2020 елның шул чорына нисбәтле буларак 7,7% дәрәҗәсендә планлаштырылган иде.
Россия Президентының 2021 елда яшәү минимумын һәм иминият пенсияләрен индексацияләү турындагы карарларын исәпкә алып, 2022 елның 1 апреленнән социаль пенсияләр 8,6%ка индексацияләнә.
Татарстанда апрель индексациясе социаль пенсия һәм дәүләт пенсия тәэминаты буенча пенсия алучы 80 мең артык пенсионерга кагылачак.
Хәрби хезмәткәрләр, радиация яки техноген һәлакәтләр нәтиҗәсендә зыян күргән гражданнар, Бөек Ватан сугышында катнашучылар "Блокададагы Ленинградта яшәүчегә" билгесе белән бүләкләнгән гражданнар, космонавтлар, шулай ук һәлак булган (вафат булган) хәрби хезмәткәрләр һәм чернобыльчеләрнең хезмәткә яраксыз гаилә әгъзалары дәүләт пенсия тәэминаты буенча пенсия алучылар булып тора.
Төрле сәбәпләр аркасында җитәрлек хезмәт стажы тупламаган, туендыручысын югалткан, әти-әнисез калган ятимнәр, инвалидлар, инвалид балалар һәм әти-әнисе билгеле булмаган инвалид балалар да социаль иминият пенсиясе алучылар исәбенә кертелә.
“Инвалидлык буенча социаль пенсия алучы эшләүче пенсионерларның пенсияләре генә индексацияләнәчәк. Рәсми эшләү факты картлык буенча социаль пенсия алучы пенсионерны индексациядән генә түгел, пенсия алудан тулысынча мәхрүм итә, чөнки пенсионерның эшләү чорыннда пенсия түләү тулысынча туктатыла”, - дип билгеләп үтте Татарстан Республикасы буенча Пенсия фонды идарәчесе Эдуард Вафин.
Пенсия фондының сайтындагы гражданинның шәхси кабинеты аша дәүләт хезмәтләреннән, Пенсия фонды сервисларыннан файдаланыгыз!
295 мең татарстанлы хезмәт кенәгәсен электрон вариантына өстенлек бирде
Хезмәт кенәгәсе - кешенең хезмәт эшчәнлеген алып баруын һәм хезмәт стажын раслаучы төп документ.
Хезмәт кенәгәсенең кәгазь яки электрон вариантын сайлау хокукы һәркемнең үз иркендә.
"Электрон хезмәт кенәгәсенең төп өстенлеге - документтан дистанцион рәвештә файдалану мөмкинлеге тудыру. Яңа эшкә урнашкан вакытта, электрон хезмәт кенәгәсеннән чыгарылма алып эш бирүчегә җибәрү дә җитә ", - дип билгеләп үтте Татарстан Пенсия фонды башлыгы Эдуард Вафин.
Электрон хезмәт кенәгәсендәге мәгълүматны Пенсия фонды сайтындагы шәхси кабинеттан (www.pfr.gov.ru) яисә Дәүләт хезмәтләре порталыннан (www.gosuslugi.ru) алырга мөмкин.
Хезмәт эшчәнлеге турындагы мәгълүматлар күрсәтелгән электрон белешмә pdf-форматта формалаша һәм Пенсия фондының төбәкара мәгълүмат үзәгенең көчәйтелгән квалификацияле электрон имзасы белән раслана.
Документны стационар компьютерда яки мобиль җайланмада сакларга, кирәк булганда бастырып алырга яисә электрон почта аша җибәрергә мөмкин.
Электрон хезмәт кенәгәсе турында тулырак мәгълүмат Пенсия фонды сайтының шул исемдәге бүлегендә урнаштырылган (www.pfr.gov.ru).
Баланы уллыкка алганда бер мәртәбә түләнә торган пособие
Россия Пенсия фондының Татарстан Республикасы Бүлекчәсе уллыкка бала алган гражданнарга бер тапкыр түләнә торган пособие турында искә төшерә.
Баланы уллыкка алучы, баланың опекуны, попечителе яисә тәрбиягә алучы ата-анага бер тапкыр түләү бирү каралган.
Түләү күләме уллыкка алынган һәр бала өчен 20 472,77 сум, әгәр уллыкка алынган балага 8 яшь тулган яисә ул инвалид булган, яки гаиләгә берьюлы берничә бертуганнар алынган очракта, түләү һәр бала өчен 156 428,66 сум тәшкил итә.
"Пособиегә хокукны раслаучы документлар һәм гариза белән яшәү урыны буенча Пенсия фондының клиентлар хезмәтенә мөрәҗәгать итәргә мөмкин. Моны уллыкка алу турында суд карары, опека һәм попечительлек органы тарафыннан опека яки попечительлек билгеләү турында карар яисә баланы гаиләгә алу турында килешү үз көченә кергән көннән алып 6 ай эчендә эшләргә кирәк”,- дип билгеләп үтте Татарстан Пенсия фонды идарәчесе Эдуард Вафин.
Пенсия фондына гаризаны почта аша да җибәрергә мөмкин. Документларның - уллыкка алынган баланың туу турында таныклыгың, баланы уллыкка алу турында суд карары күчермәсе, баланы опекага алу турында документның күчермәләре нотариаль расланган булырга тиеш.
Пособие билгеләү турындагы карар гариза бирелгән һәм Пенсия фондына мөрәҗәгать итүченең кирәкле белешмәләре һәм документлары кергәннән соң 10 эш көне узганчы чыгарыла. Пенсия фондына оешмалардан белешмәләр яки мөрәҗәгать итүчедән түләүгә хокукны раслый торган документлар килеп җитмәгән очракта, гариза буенча карар кабул итү срогы 20 эш көненә кадәр озайтылырга мөмкин.
Пособие түләүне билгеләү турында карар кабул ителгәннән соң, акча 5 эш көне эчендә түләнә.
-
Йорт яны участогы чикләре эчендә газ үткәрү , йорт эчендәге газ җиһазларын сатып алу өчен бер тапкыр бирелә торган субсидия биру турында.
-
Татарстан Республикасы Министрлар Кабинетының 18.02.2002 ел, № 137 карары нигезендә, йорт эчендәге газ җиһазларын сатып алу һәм йорт эчендәге газ җиһазларын сатып алу буенча факттагы чыгымнар күләмендә бер тапкыр бирелә торган субсидия түбәндәге гаиләләргә бирелә:
-
Бөек Ватан сугышы ветераннары, I һәм II төркем инвалидлар өчен, - инвалид баланы, шулай ук - күп балалы гаиләләргә, - керемле гаиләләргә бер кешегә 10 0000 сумнан кимрәк керем; - 10 000,01 сумнан 19 000,0 сумга кадәр керемле гаиләләргә субсидия 60 000 сумга кадәр бирелә. Бер тапкыр бирелә торган субсидия бер йортка бер тапкыр бирелә.
- Исәп-хисапта тотылган чыгымнар исәпкә алына.:
- җир участогы чикләре эчендә газлаштыру буенча проект һәм төзү-монтаж эшләре (газ кертү һәм йорт эчендәге газ челтәрләре урнаштыру),
- йорт эчендәге газ җиһазларын (һәр төрнең бер төреннән дә артык түгел) һәм газ исәпләү приборларын сатып алу.
Бер тапкыр бирелә торган субсидия бирү турында гаризаны торак урыны милекчесе, яшәү урыны буенча социаль яклау органнарына 2022 елның 1 декабреннән дә соңга калмыйча, даими яшәү урыны буенча теркәлгән торак урыны милекчесе бирә ала.
Бер тапкыр бирелә торган субсидия бирү өчен кирәкле документлар исемлеге:
2021 елның 21 апреленнән соң махсуслаштырылган оешма белән төзелгән йорт яны участогы эчендә газ үткәрү эшләрен башкаруга подряд килешүе;
йорт яны участогы чикләре эчендә газ үткәрү буенча башкарылган эшләр акты;
паспорт күчермәләрен кушып, йорт эчендәге газ җиһазлары сатып алынган йорт участогы эчендә газ үткәрү буенча башкарылган эшләр өчен түләүне раслаучы документ;
газ бүлү системасы объектын төзү белән тәмамланган объектны кабул итү акты яки тоташтыру (технологик тоташтыру)турында акт;
күчемсез милекнең Бердәм дәүләт реестрында теркәлмәгән торак бинага хокук билгели торган документ;
гариза бирүченең гаилә әгъзаларыннан (ялгыз яшәүче гражданнардан тыш) Документлар (ирекле рәвештә), аларның шәхси мәгълүматларын эшкәртүгә ризалык булуны һәм мөрәҗәгать итүченең шәхси мәгълүматларын тапшырганда алар исеменнән эш итәргә вәкаләте бар.
Бер тапкыр бирелә торган субсидия гаилә керемнәрен исәпкә алып бирелә торган мөрәҗәгать итүчеләр өстәмә рәвештә керемнәр турында документлар тапшыралар.